2009(e)ko urriaren 1(a), osteguna

BURDINGOGI 1241M





BURDINDOGI (1.241 m) Egozkueko gainatik
Esteribar eta Anue ibarren mugatik abiatuko gara, Egozkueko gainean dagoen aparkalekutik gorantz doan bide zabaletik. Berehala (20 ') Tanporrene eta Azimendi kaskoak lotzen dituen bizkarrera iritsiko gara eta alanbre hesia gurutzatu ondoren bigarren mendi hau inguratzen duen bidea jarraituko dugu ezkerretik, pagaditik barna zertxobait jeitsiz.
Bide garbia jarraituko dugu, oraingoan Urdanaz eta Artzeko mendiak eskuinetik inguratuz.
Ordu luze bat ibili ondoren Azedi lepora iritsiko gara, zeinetan Arizutik (ezkerrean) eta Iragitik (eskuinean) datozen pistak utziko ditugun eta mugarrien paretik igotzen den bide zabaletik Gurutze ermitara iritsiko gara. Burdindogi tontorra baselizaren zelaian bertan dago, atzekaldeko basoaren baitan, harri multzo baten gainean (1h 45'). Leku aproposa da bazkaria egiteko, bertan inguruko herriek erromeria egunean egiten duten moduan. Kintoa mazizoan egon arren basoak ez du aukerarik ematen bista zabala ikusteko, bidetik Eugiko inguruak ikus badaitezke ere.

2009(e)ko irailaren 27(a), igandea

2009-2010 EGUTEGIA




Hementxe doakizue aurtengo egutegi berria.
Azpimarratu, beti bezala, igandeetan aterako garela ikastolako atetik goizeko 9etan.
Laister berri gehiago izango dituzue!!!
Ez ahaztu: DATORREN IGANDEAN, URRIAK 4a, BURDINDOGIRA!!!

2009(e)ko ekainaren 6(a), larunbata

Datorren denboraldian ikusi arte!!! Menditxuri





























Bueno, joan den igandean, berriro ere Menditxurin egon ginen. Izugarrizko egun polita egin zuen ondoan dituzuen argazkietan adierazten duten bezala.
Uda gainean dugu, horrekin batera oporrak eta ongi pastzeko aukera polita: seguro ondartzara joango gerala, eta mendira joateko aukera izango dugu ere.
Datorren urritik aurrera espero zaituegu.
Batzuk ikastola utzi izango duzue, bainan ala eta ere esku zabal itxoingo zaituegu.
Beti bezala ikastolan dauden mendizale guztiei itxoiten hari gara, badakigu asko direla eta.
DATORREN IKASTURTEAN IKUSI ARTE
PD. "Zahar" guztiei ezkertzen diegu izan duten arreta eta atenzioa ateraldiak prestatzen, eta taldeari bultzakada emanez!!








Izan ongi.

2009(e)ko maiatzaren 29(a), ostirala

Azkeneko eguna da eta!!!!!


Igande ontan berriro eta aspalditik egiten dugun bezala, Menditxurira joango gara. Ba dakizue. Bidea Auritzetik ateratzen da eta lehun lehun hasten da, gero baso erditik malda igotzeko, eta azkeni goiko larreetatik mendiaren puntaraino.
Gutxi gosaldu, gero janaria dugue eta....opariren bat ere hartu izango dugu.
Esto se acaba. Ultima salida, como viene siendo habitual a Menditxuri, desde Burguete. El tiempo anuncia bueno, o sea que disfrutaremos de un buen día.
Al bajar iremos al camping de espinal para dar cuenta de la comida... e igual tenemos alguna sorpresa.
Eskerrik asko a los que habéis participado a lo largo del curso de las excursiones. A los veteranos, gracias por seguir manteniendo la ilusión, ya que sin vosotros el grupo sería grupito. A los noveles animaros a seguir y a buscar gente que suponga el relevo desde dentro de la ikastola.

2009(e)ko apirilaren 5(a), igandea

Lizarraga-San Adrian-Etxarri (1.183 m)











Gaur egingo dugun irteera, zeharkaldi bat izango da: puntu batean hasiko gara (Lizarragako mendatea) eta beste toki desberdin batera ailegatuko gara (Etxarri).
Gainera bidea erosoa izango da, jeitsiera, igorera baino luzeago da, beraz ez dut uste gehige nekatuko garen.
Urbasako ipar-isurialdeko amildegia segituko dugu, eta hasi bezain pronto, txangoaren bitxikeri handiena topatuko dugu: Portupekoleze deitzen den arkaitz zubia.
Tokia benetan interesgarri eta polita, ez oso ezaguna, beraz, zailatu gaitezen ingura errespetatzen.
Tokia, ura arkaitzean eragin duen lanaren adierazpena da, kare harria deseginez. Urbasako soru azpia zuloz beteta dago.
Handik, amildegiren paretik segitu, inolako harriskurik gabe, naiz eta batzuetan bideziorra oso erosoa ez izan, San Adriango baselizara ailegatuko gara.
Hemendik laister, Etxarriko portuko bidea hartu eta malda bera egingo dugu autobusaraino.
IZAN ONGI!!!!

2009(e)ko martxoaren 11(a), asteazkena

Leitzalarreatik Urepel (1056 m) mendira

Leitzatik tren geltoki zaharretik pasatzen den bide estua hartuko dugu Leitzalarreara (595 m); bertan, Izkibar edo Ezkibar atsedenlekuan kotxeak utziko ditugu eta iparralderantz abiatzen den bidea hartuko dugu. Eskuinerantz biratuko dugu eta bailararen aldapa poliki-poliki igo eta gero pagadira sartuko gara. Berehala, larre batzu zeharkatu ondoren tontorrera iritsiko gara.
Urepel (1056 m) mendi ederra da eta izugarrizko bistak ditu. Urumea ibaiaren bailaran dagoen Goizueta herriaren gainean dago, Gipuzkoako mugatik oso hurbil. Adarra–Mandoegi mendikatearen hegoaldeko ertzean kokatuta dago eta inguruko altuena da.
Leitzalarreako eskualdean abandonatutako zenbait meategi dago, hainbat trikuharri eta bestelako megalitoak eta, azkenik, erreka gorantz jarraituz zuhaitz miresgarriz osatutako izeidi bat dago.


Informazio gehiago: