2012(e)ko otsailaren 29(a), asteazkena

KAIXO, TREKU!

Goñiko borda zaharrak TREKUREN puntan.



GOAZEN MENDIRA!

TREKU (1265 m). Andia mendizerran, Goñi herritik.
Irteeraren data: 2012-03-4; 9etan ikastolako atari nagusian
Goñi herritik pistatik Sanmigel ermitara eta bertatik ibilbide zirkularra
Ibilbide erreza; gutxi gorabehera 8 km-ko distantzia eta 300 metroko desnibela.

Goñi herrian elizaren paretik pasatzen den pista hartuko dugu, ahal bada, kotxez ermitaraino igotzeko. Bertan kotxeak aparkatu eta pagadia zeharkatuz altuera irabaziko dugu. Treku lepora iristean belardi eta harrien artean tontorrerako azken malda igoko dugu.
Ikuspegi eder eta zabaleko tontorra dugu: Andia mendizerra, Iruñerria eta atzean Pirinioak...
Jeitsiera borda zaharretatik eginen dugu, garai bateko abeltzantza ugariaren aztarnak.
Ibilbidea erreza da, igoera 300-350 metrokoa eta distantzia zortzi kilometrokoa da, gutxi gorabehera.
Eguraldiaren iragarpenak ez dira txarrak.
Bazkaltzera Iruñera itzuliko gara; aukeran norberak bere janariarekin elkarteren batean bil gaitezke.
  







ANIMA ZITEZTE! GOAZEN MENDIRA!

Ioar mendiko argazkiak (2012.02.12)

Oraingo honetan eguraldia lagun izan ez bada ere taldeko "beteranoak" eta Unai elurra zapalduz tontorrera igotzeko gai izan ziren

2012(e)ko otsailaren 8(a), asteazkena

YOAR MENDIA

YOAR MENDIRA IRTEERA



            Zirkular honen bidez, datorren Igandean Yoar mendira egingo den irteeraren berri ematen dizuet. Yoar mendia Codes-eko mendikatean kokatzen da, Nafarroako mendebaldean, Arabarekin mugan. Ikastolarekin egiteko oso txango aproposa dela uste dut, oso egun ona pasatzeko aukera ematen duena.

            Yoar mendiko igoera Santa Cruz de Campezo herritik hasten da. Bertara oso erraz da kotxez iristea, ez dago inongo arazorik, eta Iruñeatik ordu batera aurkitzen da gutxi gora behera. Behin bertara iristean, Codes-eko monastegira igo daiteke kotxez, bertatik mendia igotzen hasteko. Monastegian denetarik aurki daiteke, hala nola asadoreak, oso txoko egokia delarik mendia igo eta gero bertan bazkaltzeko edo haurrekin pixka bat jolasean egoteko.

            Mendiari dagokionez, ez da batere zaila igotzea eta ez da oso luzea, familia giroan joateko oso aproposa eginez. Gainera paisaia polita da, baita mendia igotzeko bidea ere. Guztia bidexka bat da, nondik erraz igo daitekeen.

            Hori kontutan hartuz, guztiak gonbidatzen zaituztet egun on bat pasatzera Yoar mendira egingo den irteeran. Bai familia giroa eta elkarrekiko harremana sustatzeko eta baita euskaran murgilduta momentu on eta atsegin bat pasatzeko ere. Larunbatean ikusiko garelakoan,

            Agur t´erdi.

2012(e)ko urtarrilaren 12(a), osteguna

BARDEAK. Castillo de Peñaflor (2012-01-15)

GOAZEN MENDIRA!



BARDEAK. “Peñaflor” gaztelua, Eguaras parajean, Argetasetik.
Irteeraren data: 2012-01-15; 9etan ikastolako atari nagusian
Agirre etxolatik –Peñaflor gaztelura ibilbidea
Ibilbide laua; distantzia 8 km. Zailtasunik gabekoa.

Argetas herrian Poligonora doan errepidea hartuko dugu, koartelera iristean (MILITARRAK KANPORA!) ezkerreko pistatik jarraituko dugu eta“Castildeterra” monumentu naturala pasa ondoren kotxeak Agirre txabolan aparkatuko ditugu.
Bertan hasiko da gure ibilbidea, ia basamortuarra den Bardeetako trokarte eta lurralde berezi  hauek zeharkatuko ditugu, Eguaraseko bedatuko erreserba naturalera iritsi arte. Bertan, muino baten gainean, lurlabar “zuriz” inguratuta erdi aroko gazteluaren aztarnak antzemango ditugu.
Ibilbidea laua da eta distantzia zortzi kilometrokoa da.
Eguraldia ez da txarra izango, bertan ia ez du euririk egiten baina haizeak zakar jotzen du, beraz, neguko arropa eraman.
Hamaiketakoa eguerdi aldera hartuko dugu eta bazkaltzera Iruñera itzuliko gara.

Irteeraren azalpena blogean duzue, hala nola aurreko igoeratan hartutako argazkiak ere

http://amaiurmenditaldea.blogspot.com/

Inork informazio gehiago nahi badu amaiurmenditaldea@gmail.com helbidera posta bidez eska dezake. Irteeraren antolatzailea Toño Goiena da.

Anima zaitezte!

*+*+*+*+*+*+*

Beno, eguna pasatu dugu. Egun arraro xamarra. Irunean oskarbi zegoen, bainan egoaldera jo dugularik, lainoa dena estali du. Beraz, ez dugu eguzkia ikusi, ezta paisaia ere. Azkenean 12 km izan dira bainan lehun lehunak.
Eguraldiak lagundu ez badigun arren, ostera berriz ere arrakastatsua izan dela erran daiteke, 90 lagun gerturatu bai gara Bardeetako eremu hauetara. 
Berriro ere, nafarroako paisai, landscape, zoragarri eta miresgarri honen beste zoko bat ezagutu dugu.
Esteka hontan (Peñaflor Gaztelua), irakurri ahal dezakezue, gaztelu eta paraje honen buruz gauz interesante batzuk.
Hementxe dituzue, gaurko argazki batzuk, eta beti bezala, picasan beste asko.
Ongi izan
  






2011(e)ko abenduaren 18(a), igandea

ILUNDAIN-LAKIDAIN 18/12/2011

Nola Lakidain??? Gaur ez ahal genuen Otexonera irteera???
Bai, hala zen, bainan eguraldia nola zegoen ikusirik, eta 8 lagun besterik ez garala atera, helburua aldatu dugu. Iruñerriko mendietan paseotxo bat egitera joan gara.
Irulegi autatu dugu asanblada demokratikoan. Eta Iruneatik Aranguren aldera jo dugun momentuan, zenbat elur zegoen konturatu gara.Kotxeak kasi kasi pasatu gabe, beraz Ilunberriko eskola parean kotxeak utzi eta hortik buelta sinple bat egin dugu.
Nahiko. Goiz guztia elurretan ibili da. Paisaia zoragarria, Laponiako pelikuletan bezala.
Hementxe dituzue argazki batzuk. Ia gustokoak dituzuen.
Para acabar en hemos comido en Oberena, y hemos disfrutado de una sinfonía para tronbón, flauta y clarinete, con percusión de alubias de Gabarderal (Vaya tardecita Maria!!!!)

Beno, datorren urterarte, ZORIONAK ETA URTE BERRI ON!!!!

 Ilundain herria eta Irunerria, elurrez txurituta. A ze irudi polita!!!




 Siberia ote???



 Elurretako tximeletak

 Lakidainekotaldea

2011(e)ko abenduaren 4(a), igandea

Larrogain mendiko argazkiak

Kaixo Hona hemen azken txangoko argazki batzuk. Gehiago badira baina badakizue non ikuskatu ditzakezue.

2011(e)ko azaroaren 21(a), astelehena

LARROGAIN (1278 m) mendia Aintzioatik (2011-11-27)

Irteeraren data: 2011-11-27
Aintzioa –Larrogain ibilbidea
Malda metatua 300 metro.
Luzeera 6,7 km.
Zailtasunik gabekoa.


Aintzioa herrian hasiko gara gure ibilbidea, Aburregainaren atzean, Nafarroako herririk altuena. Txikia, oso ongi zainduta eta txaletik gabe, aintzinako itxura mantentzen du, baita ardi usaina ere.

Labia mendilerroa, Urrobi eta Erro ibaien artean, Iruinetik naiko hurbil egon arren, oso gutxi ibilia da, eta mendigoizale askorentzat ezezaguna. Gure ibilaldian, aste honetan illarraka eta txanpinoi josita egon dena, larreak, pagadiak, pinudiak, gorostiak eta zati batzuetan ezpel itxiak zeharkatuko ditugu.

Eguraldia lagun,tontorretik Nafarroa osoa ikusiko dugu.